| |
Ongietorria Waldtrudering-go suhiltzaile
boluntarioen web-orrira
Bisitari maiteok, eskerrikasko zuen bisitagatik gure web orrira.
Bertan aurkezten dizuegu gure jarduerei buruzko oinarrizko
argibideak. Zerbait gehiago jakitea nahi baduzue bidali iguzue
mesedez posta
elektroniko bat.
Waldtrudering-go suhiltzaile boluntarioak Munich inguruetan
kokaturiko 21 suhiltzaile boluntario sekzioetako bat gara.
Suhiltzaile profesionalekin batera Munich-go hiritarren segurtasunaz
arduratzen gara. Gure 37 suhiltzaile aktiboek heuren lana
borondatez betetzen dute trukean ezer jaso gabe. Lanbide desberdinak
dituzte baina hobby amankomun batek batzen ditu: Suhiltzaile
izateak eta erkidegoari laguntzeak.
Gure auzoko moeta guztietako larrialdietara deitzen digute
geu izaten garelako lehenengo irixten garenak suhiltzaile
profesionalen aurretik. Gainera sute haundiak edo uholdeak
gertatzen direnean hiriaren edozein tokititik deitzen digute.
Eta 2002-ko Elba ibairen uholdeak bezalako larrialdi nazionaletan
ere bertan izaten gara. Bataz beste urtean zehar 50 deiei
kaso egiten diegu.
Gure suhiltzaileek entrenamendu trinkoak
egiten dituzte eta ikastaro bereziak jarraitu suaren kontrako
borrokari buruz, medikutzaz edo salgai arriskutsu eta toxikoen
tratamenduari buruzko oinarrizko ezagueraz jabetzeko. Horregatik
erreakzionatu dezakegu modu egokian adozein larrialdiren aurrean.
14 urterekin hasten dugu fase aktiboa suhiltzaile gazteen taldekide
izanez. 16 urterekin hasten gara larrialdietara ateratzen. Munich-go
suhiltzaile boluntario bakoitzak 18 urtetik aurrera arnas aparatu
autonomoaren erabilpena ikasi behar du, nahiz eta eta hau ez
izan derrigorrezkoa beste Alemaniako suhiltzaile boluntario
talde batzuetan.
Auzoko karitatezko erakunde batek laguntzen digu. Erakunde honen
betebehar nagusia auzoko elkarbizitza sustatzea eta hiritarren
arteko harremanak hobetzea da, helburu zailak hiri haundi baten
auzo batentzat. Gainera finantziatzen ari da zenbait makina
suhiltzaileek erabiltzen dituzten tresneria arruntetik at esatebaterako,
ur-bonba bereziak, desfibriladoreak edo kea eraikinetatik ateratzeko
makina bat.
Suhiltzaile profesionalak hiri haundietan eta arrisku haundiko
enpresetan, estebaterako birfindegietan, egoten dira bakarrik.
Horrexegatik jokatzen dute suhiltzaile boluntarioek aspalditik
paper garrantzitsu bat gizarte alemanean. Gaur egun 1´3 milloi
suhiltzaile boluntarioek bermatzen dute Alemanian biztanleriaren
segurtasuna eta babesa.
|
|
